Oxu.az -a istinadən bu gün Aleksandr Lukaşenko Belarus prezidenti kimi vəzifəsinə başlayıb. Andiçmə mərasimi “Müstəqillik Sarayı”nda baş tutub.

Bu barədə BELTA xəbər yayıb.

İnaqurasiya mərasimində az saylı qonaq iştirak edib edilib. Onların arasında yüksək vəzifəli şəxslər, Nümayəndələr Palatasının deputatları və Respublika Şurasının üzvləri, dövlət orqanlarının və ictimai təşkilatların, yerli icra və inzibati orqanların rəhbərləri, respublika kütləvi informasiya vasitələrinin nümayəndələri, elm, mədəniyyət və idman xadimləri var.

Dünyanı vecinə almayan prezident Aleksandr Lukaşenko sağ əlini konstitusiyaya qoyaraq Belarus dilində and içib və andiçmə aktını imzalayıb.

Bundan sonra Mərkəzi Seçki Komissiyasının sədri Lidiya Yermoşina Aleksandr Lukaşenkoya Belarus Respublikası Prezidentinin vəsiqəsini təqdim edib.

Xatırladaq ki, Belarusda prezident seçkiləri avqustun 9-da keçirilib. MSK-nın məlumatına görə, seçicilərin 80,1 faizi Aleksandr Lukaşenkoya səs verib. Bütövlükdə ölkədə seçici fəallığı 84,28 faiz təşkil edib.

Xalq isə küçə və meydanlarda öz etirazlarını bildirməkdədir. Avropa Birliyi Aleksandr Lukaşenkonun legitimliyini tanımır.