“Hraparak” qəzeti yazır ki, cinayətkar Artur Qazaryan ilə (“Kanakertsi Tui” ləqəbli) ilə yanaşı, parlamentin keçmiş deputatı Artuş Simonyan (“Kanakertsi Artyuş”) öldürülüb.

Erməni mətbuatı xəbər verir ki, bundan əvvəl kriminal boss “Kanakertsi Tui”nin noyabrın 11-nə keçən gecə İrəvanda qanlı qarşıdurma zamanı öldürüldüyü bildirilib.
Simonyan qarşıdurmanın digər üç qurbanından biri olub.

Qəzet yazır ki, atəş açanlardan birinin eks-deputatın oğlu olması barədə məlumat var. Simonyanın 4 oğlu var - Noro, Vlad, Hovhannes və Akop.

Onlardan hansının atışmada iştirak etdiyi hələlik məlum deyil. Atışma iştirakçılarından birinin 1 saylı xəstəxanaya aparıldığı bildirilir. Onun 20 yaşı var. Xatırladaq ki, Simonyan 2003-2007-ci illərdə
Ermənistan Respublikaçılar Partiyasından Ermənistan parlamentinin deputatı olub.