"Hraparak” qəzeti yazır ki, Ermənistanın baş naziri Nikol Paşinyan 44 günlük müharibədə məğlubiyyətə görə günahkar obrazında yeni adamlar tapmağa çalışır.

Qəzetin yazdığına görə, bu dəfə Arayik Arutyunyanla Müdafiə Ordusunun keçmiş komandanı, Təhlükəsizlik Şurasının keçmiş katibi Samvel Babayan arasında münasibətlər gərginləşib.

Qəzet yazır ki, Arutyunyanın tərəfdarları mətbuatda fəal şəkildə Babayanın əleyhinə çıxışlar edir, əsas məsuliyyəti onun üzərinə atmağa çalışırlar. Xüsusilə, Babayanın guya Paşinyanı Lələ-Təpə yüksəkliyini qaytarmaq üçün məlum əməliyyata başlamağa razı saldığı və uğursuz əks-hücum nəticəsində Ermənistanın böyük itkilər verdiyi deyilir.

Belə ki, qəzet yazır ki, Qarabağda yeni qurban statusundan yayınmaq üçün aktiv mübarizə gedir. Əsas “iddiaçılar” Arutyunyan, Babayan və hazırda Ermənistan Müdafiə Nazirliyinin hərbi nəzarət xidmətinin rəhbəri postunu tutan keçmiş komandir Cəlal Arutyunyandır.