Ukrayna “vətənpərvərləri” hələ də “Rus dünyası”nın bir parçası olaraq qalan Ukrayna üçün Donbasda ölürlər.
Bu fikri lvovlu jurnalist və teleaparıcı Ostap Drozdov “Islnd” YouTube kanalının efirində deyib.
“Bütün bir ölkə təhlükə altındadır və işğal altında olan bu parça, əslində o qədər kiçikdir, bədənin bir hissəsi olan iltihabdır.
Buna görə də daha çox şey risk altındadır. Bu, bütün ölkənin rus dünyasından tam gücü ilə qoparılmasıdır. Burada isə təəssüf ki, biz zəifik”, - Drozdov bildirib.
Ukraynada rus olan hər şey Ukraynanı rus dünyasına məxsus bir ölkəyə çevirir, deyə jurnalist yekunlaşdırıb.
Qeyd olunub ki, Drozdov mütəmadi olaraq Ukrayna əleyhinə qalmaqallı bəyanatlar verir. Belə ki, o, həmyerlilərini “murdar və ruslaşmış” adlandırıb. Bundan əlavə, o, dəfələrlə ölkənin rusdilli sakinlərini təhqir edib.