Bu gün başıma bir oyun gəlib.

Avtomobilimi satdığım üçün Xırdalanda yerləşən DYP idarəsinə alqı-satqı üçün işimiz düşüb. Avtomobili 2016-cı ildə öz adıma qeydiyyata salarkən texpasportda mühərrikin nömrəsini "meyvəli" -də yazmadıqlarına görə DİN-nin DYP idarəsinin axtarış bölməsi bizdən 200 manat rüşvət tələb edib. Sanki texpasportu mən özüm hazırlamışam.

Bu alçaq, şərəfsizlər hər kəsdən rüşvət tələb edir. Allah bəlasını versin. Məcburən o pulu verməli olduq. Haram xoşları olsun.

Hörmətli Daxili işlər Naziri Vilayət Eyvazov, şərəfli polis adına xələl gətirən DYP -nin Xırdalanda və "meyvəli"-də yerləşən qeydiyyat idarəsi xalqa zülm edir. Zamanında əxlaqsız, məsuliyyətsiz, səhlənkar və savadsız əməkdaşlar avtomobillərin qəsdən mühərrik nömrəsini yazmayıb. Alqı satqı zamanı isə bunu problem edərək DYP əməkdaşları vətəndaşlardan 200-5000 manat rüşvət tələb edir. Bu qanunsuz əməlləri görən və rüşvətxor polis zabiti, axtarış, istintaq və təhqiqat şöbəsinin rəisi Cəfərov Raufdur. Şəxsən bu şəxs sizin adınıza xələl gətirir. Sizi təhqir edir. "Mən heç bir nazir tanımıram. Buranın naziri mənəm. Bura rüşvət verib girmişəm. Pulumu da çıxarıram" deyərək xalqa zülm edir. Bu şəxslər barəsində ciddi tədbir görün.

Bu ölkədə nə qədər ki, rüşvət baş alıb gedəcək, ölkədə haqq və ədalət olmayacaq. Əzilən isə çarəsiz məzlum xalqdır. Hər kəs öz haqqını tələb etməlidir ki, ölkədə rüşvət yığışsın.