USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ov mövsümünün müddəti uzadıldı
Ekologiya və Təbii Sərvətlər Nazirliyində keçirilən “Ov Məsələləri üzrə Koordinasiya Şurası”nın növbəti iclasında ov mövsümünün müddətinin artırılması barədə qərar qəbul edilib. Bu barədə Bioloji Müxtəlifliyin Qorunması Xidmətinin rəsmisi Arzu Babayeva məlumat verib.
O bildirib ki, ölkə ərazisində quşların qış sayğısı artıq yekunlaşıb və mütəxəssislər tərəfindən aparılan müşahidələr nəticəsində quş populyasiyalarının sabit olduğu müəyyən edilib. Mövcud vəziyyət, quşların qışlama dövrünün xüsusiyyətləri, eləcə də ov həvəskarlarının müraciətləri nəzərə alınaraq ov mövsümünün 1 mart 2026-cı il tarixinədək uzadılması məqsədəuyğun hesab olunub.
Xidmət rəsmisi vurğulayıb ki, ov mövsümü müddətində vətəndaşlar qanunvericiliyin tələblərinə ciddi riayət etməlidirlər. Ov yalnız müəyyən edilmiş limitlər çərçivəsində və müvafiq icazə sənədləri əsasında həyata keçirilməlidir. Qadağan olunmuş ərazilərdə, o cümlədən milli parklar və dövlət təbiət qoruqlarında ov edilməsi yolverilməzdir.
Qeyd olunub ki, nəzarət tədbirləri gücləndiriləcək və qanun pozuntularına yol verən şəxslər barəsində qanunvericiliyə uyğun tədbirlər görüləcək.
