Gədəbəy rayonunun Mormor kənd sakini, Nəbi Gədəbəyli kimi tanınan İkinci Qarabağ müharibəsi qazisi Nəbi Azad oğlu Məmmədovun özünü yandıraraq intihara cəhd etdiyi bildirilir.

Nəbi Məmmədov Bədəninin müxtəlif nahiyələrinin yandığını, lakin hələ də ona diqqət yetirilmədiyini deyir.
“Heç kim şikayətimə baxmır. Ağrıdan ölürəm, əgər bu ağrı azalmasa axşam özümü asacam”, - deyən qazinin sözlərinə görə, hazırda Gədəbəydədir, yaxınları onu xəstəxanaya aparır.
Nəbi Məmmədov deyib ki, intihar etmək istəməsinə səbəb işlə təmin olunmaması, dövlət orqanlarından gördüyü laqeydlikdir. Onun sözlərinə görə, dəfələrlə Gədəbəy Rayon İcra Hakimiyyətinin başçısının qəbuluna gedib işləmək istədiyini deyib.
“İcra başçısı mənim şikayətlərimə məhəl qoymur. Ümumiyyətlə, belə yaşamaq nəyə gərəkdir? Mən bundan sonra kimə, nəyə lazımam? İki gündür mənimlə bir maraqlanan yoxdur”

İlkin intihar araşdırsaydı, günahı olanlar layiqli cəzalandırılsaydı bu gün şəstlə haqqında danışdığınız ərazi bütövlüyümüzü bərpa edənlərin 70-ə yaxını intihara məcbur qalmazdı.

Həqiqətən bu hakimiyyət xalqın problemləri ilə maraqlanmağa acızdir? Yoxsa bu yazıq yoxsul xalqın problemləri hakimiyyəti maraqlandırmır? Niyə axı zəngin neft, qaz və qızıl ölkəsinin vətəndaşları dilənçi gündə yaşamalıdır?