BƏYANATDA DEYİLİR:

“Azərbaycanda avtoritar ailə rejiminin (Əliyevlər ailəsi klanı) hakimiyyətdə olması hər kəsə məlumdur. Beynəlxalq təşkilatların (Amnesty İnternational, Human Rights Watch, Sərhədsiz Reportyorlar, Freedom House və s.) və Avropa Birliyinə daxil olan qurumların hesabatlarında illərdir ki, buna işarə edilir.

Siyasi fəallara, vətəndaş cəmiyyəti nümayəndələrinə, jurnalistlərə və onların ailə üzvlərinə qarşı siyasi təzyiqlər edilir. Azərbaycanlı hüquq müdafiəçilərinin verdiyi məlumata görə, hazırda ölkədə 250-dən çox siyasi məhbus var.

“Human Rights Watch” -ın hazırkı 2023-cü il hesabatında həm ifadə azadlığının məhdudlaşdırılması, o cümlədən media nümayəndələri və ictimai fəalların siyasi fəaliyyətlərinə görə həbs edilməsi qeyd olunur.

https://www.hrw.org/world-report/2024/country-chapters/azerbaijan

Biz dəfələrlə beynəlxalq təşkilatlara müraciət etmişik ki, Avropadan Azərbaycana deportasiya edildikdən sonra həbs edilərək işgəncələrə məruz qalan Mütəllim Orucov, Malik Rzayev, Samir Aşuror, Pünhan Kərimil, Cəfər Mirzəyev, Ziya İbrahimor, Anar Əlyev, Emin Məlikov, Rəşad Ramazanov və başqa siyasi məhbuslar vardır.

2023-cü ilin noyabr ayını Azərbaycanda baş verənləri konkret olaraq jurnalistlərə qarşı terror kimi qiymətləndirmək olar. “AbzasMedia” saytının rəhbərləri Sevinc Vaqifqızı, Ülvi Həsənli Məhəmməd Kəkalovun, daha sonra Nərgiz Absalamova və Haftz Babalıya qarşı qaçaqmalçılıq maddəsi ilə cinayət işi açılaraq barələrində 4 ay müddətində həbs qıtimkan tədbiri seçilib.

2023-cü il noyabrın 27-də “Kanal 13” internet kanalının rəhbəri Əziz Orucov saxlanılıb. Barəsində “Qanunsuz torpaq sahəsində ev tikmək” maddəsi ilə cinayət işi açılaraq həbs edilib. 2023-cü il dekabrın 11-də “Kanal 11” internet kanalının rəhbəri Teymur Kərimovun da barəsində cinayət işi açılaraq həbs edilib.

2024-cü il martın 6-da Toplum TV-nin ofisində aparılan axtarışdan sonra Azərbaycanda tanınmış media eksperti Ələsgər Məmmədli həbs olundu. Ardınca Akif Qurbanov, Ramil Babayev, İlkin Əhmədov və Ruslan İzzətliyə qarşı da cinayət işi açılaraq həbs ediliblər.

Bununla yanaşı bir daha xatırladırıq ki, 2023-cü il iyulun 23-də “Azərbaycan Demokratiya və Rifah” partiyasının rəhbəri Qubad İbadoğlunun həbsi siyasi xarakter daşıyır. Onun fəaliyyətinə görə hakimiyyət azad mediaya təzyiqlərini artırıb. Beləliklə Azərbaycanda 2023-cü ilin sonlarından etibarən “İran agentləri” adı altında 500-dən çox dini inanclı şəxslər həbs ediliblər.

Bu gün burada etiraz edərık biz, aşağıdakı tələblərimizin həyata keçirilməsini tələb edirik:

• Həbs edilmiş bütün jurnalistlər azad edilsin.
• Siyasi sifarişli həbslər zamanı işgəncə edən polis və müstəntiqlər istintaqa cəlb edilsin.
• Siyasi təqibin bütün formalarına son qoyulsun.
• Bəyanatda qeyd olunan məlumatların beynəlxalq ictimaiyyətə çatdırılmasına köməklik göstərilsin.
• Siyasi məhbusların azadlığa buraxılması ilə bağlı Azərbaycan hökuməti ilə ciddi danışıqlar aparılsın.
• Ölkədə demokratik prinsiplərin bərqərar olması üçün Azərbaycanın siyasi hakimiyyətinə təzyiq edilsin.

Dərin hörmətlə,"