USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Həbsxanada olan keçmir bankir tibbi yardımın olmamasından şikayətlənir
"Azərbaycan Beynəlxalq Bankı"nın keçmiş rəhbəri Cahangir Hacıyev səhhətinin pisləşməsinə baxmayaraq, 13 saylı koloniyada tibbi yardımın olmamasından şikayətlənir.
“Cahangir Hacıyev qalxanabənzər vəzin (Haşimoto sindromu) xroniki xəstəliyindən əziyyət çəkir. Xəstəliyi daha da şiddətlənib. Onda baş gicəllənmələri, sol qolun uyuşması, təngənəfəsilk, təzyiqin qeyri- stabilliyi, beyində oksigen çatışmamazlığı kimi fəsadlar yaranıb. Bu fəsadların aradan qaldırılması üçün ilk öncə müayinə lazımdır. Müayinənin nəticəsinə uyğun olaraq da dərmanlar təyin edilməlidir. Amma dəfələrlə müraciətimizə baxmayaraq Cahangir Hacıyev nə müayinə edilir, nə də tibb müəssisəsinə köçürülür”, - vəkil Fəxrəddin Mehdiyev deyib.
“O, evdən mütəmadi dərmanlar alır. Amma müayinə olunmadan dərmanların qəbulu effekt vermir”,- vəkil qeyd edib.
Penitensiar Xidmətdən şərh almaq mümkün olmayıb.
Qeyd edək ki, Azərbaycan Beynəlxalq Bankı Açıq Səhmdar Cəmiyyəti İdarə Heyətinin keçmiş sədri Cahangir Hacıyev 2015-ci ilin dekabrında həbs edilib, 2016-cı ilin oktyabrında 15 il azadlıqdan məhrum edilib. Daha sonra cəza 1,5 il artırılıb.
Hacıyev 4 milyard manata yaxın pul vəsaitinin mənimsənilməsində ittiham olunur. Lakin onun vəkilləri bildiriblər ki, bu ittihamlar tutarlı dəlillərlə sübuta yetirilməyib.
