Qurban Məmmədov Daxili İşlər Naziri Vilayət Eyvazova müraciət etdi.

Azərbaycan Respublikasının Daxili İşlər Naziri
Vilayət Eyvazova

Azərbaycan Respublikasının vətəndaşı,
Məmmədov Qurban Cəlal oğlu.
Ünvanı: Bakı şəhəri, M.Nağıyev küçəsi,
1927-ci məhəllə, bina 4/6, mən. 77
Əlaqə tel.: (050) 200 66 10, (+44) 785 916 81 59
Faktik yaşadığı yer: Birləşmiş Krallıq, London.

Polis özbaşınalığı və
əmlakı qəsdən məhv etmə
və ya zədələmə barədə

ŞİKAYƏT

Cənab Nazir.

5 sentyabr 2020-ci ildə polis əməkdaşlarının iştirakı ilə mənim və ailə üzvlərimin yaşadığı, Nərimanov rayonu, M.Nağıyev küçəsi, bina 4/6, mən. 76, 77, 78, 79, 80 ünvanında yerləşən yaşayış sahələrimiz vəhşicəsinə, qanunsuz və əsassız olaraq dağıdılıb, şəxsi əmlakımıza xüsusilə külli miqdarda zərər vurulub və uşaqlarım, azyaşlı nəvələrimlə birlikdə, qanuni əsaslarla yaşadıqları mənzillərdən küçəyə atılıblar. Bütün bunlar canlı efirlər vasitəsilə dünyaya yayılıb.
Baş Prokurorluğa dəfələrləmüraciə etməyimə baxmayaraq, heç bir tədbir görülməyib.

Cənab Vilayət Eyvazov, ola bilsin siz bunları görməmisiz və polislər sizin xəbəriniz olmadan mənim mülkümə hücum ediblər.
Məlumatınız olsun deyə bildirirəm ki, həmin gün mənim və uşaqlarımın mülkünə hücumu təşkil edən polis əməkdaşı sənin qardaşının qudası olan Xuduş adlı iş adamının qardaşı, Baş Mütəşəkkil Cinayətkarlığa Qarşı Mübarizə İdarəsinin (xalq arasında “Banditizm İdarəsi” kimi tanınır) rəisi Əbülfət Rzayev olub.
Bu vəhşi əməllərlə bağlı tədbir görməyinizi, həmin polislərin müəyyən edilərək, təşkilatçıları ilə birlikdə cəzalandırılmasını tələb edirəm.

01.02.2025

İmza: /Q.C.Məmmədov/