USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanın sabiq səfiri seksual qısnamaya görə həbs olundu
O, eyni zamanda 10 il müddətinə seksual xarakterli cinayətlər törətmiş şəxslərin reyestrinə daxil ediləcək
Azərbaycanın Britaniyadakı keçmiş səfiri Rafael İbrahimov Çeşirdə reabilitasiya klinikasının üç qadın əməkdaşına qarşı seksual hərəkətlər etməkdə ittiham olunub.
Bu barədə məlumatı “Northwhitch Guardian” yayıb.
Hadisənin 2023-cü il dekabrın 5-də sabiq səfirin klinikaya yollandığı zaman baş verdiyi bildirilir.
Londonun Naytsbric ərazisində yaşayan Rafael İbrahimov yuxu həblərindən asılılığından müalicə üçün klinikaya gedib.
Məhkəmə materiallarına əsasən, İbrahimov həmin gün sərxoş vəziyyətdə olub, özünü aqressiv aparıb, qadın əməkdaşların müxtəlif bədən hissələrinə toxunub.
Qeyd olunub ki, keçmiş səfir 16 ay müddətinə azadlıqdan məhrum edilib. O, eyni zamanda 10 il müddətinə seksual xarakterli cinayətlər törətmiş şəxslərin reyestrinə daxil ediləcək.
Məqalədə qeyd olunur ki, Norveç və İsveçdə də səfir vəzifəsində çalışmış İbrahimov keçən il beş cinsi təcavüz və bir cinsi zorakılığa cəhddə günahını etiraf edib.
Rafael İbrahimov 2001-ci ildən 2013-cü ilə qədər Azərbaycanın Böyük Britaniyadakı, Norveçdəki, İrlandiyadakı, İsveç və Finlandiyadakı səfiri olub.
2014-cü ildə səfir vəzifəsindən geri çağırılsa da, Londonda yaşayır.
