USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sankt-Peterburq–Bakı reysini yerinə yetirən AZAL təyyarəsi qəza enişi edib
Sankt-Peterburqdan Bakıya uçan “Azərbaycan Hava Yolları”na (AZAL) məxsus Airbus A320 tipli sərnişin təyyarəsi qəza enişi edib.
“RİA Novosti”nin məlumatına görə, yerli vaxtla saat 00:37-də Pulkovo (LED) hava limanından havaya qalxan təyyarə uçuşdan dərhal sonra səmada dövrə vurmağa başlayıb.
Təyyarə ekipajı hava limanına qəza enişi üçün sorğu göndərib. Təxminən 3 saata yaxın havada dövrə vurduqdan sonra təyyarə Pulkovo hava limanına eniş edib, lakin uçuş-eniş zolağından kənara çıxıb.
Məlumata görə, təyyarədə 155 sərnişin və 7 heyət üzvü olub. Xəsarət alan olmayıb.
“FlightRadar24” platformasının məlumatına əsasən, hadisəyə texniki nasazlıq – təyyarənin şassisinin bağlanmaması səbəb olub. Şassidəki problem səbəbindən pilotlar havada yanacağı azaltmaq üçün uzun müddət dövrə vurmalı olublar.
Hazırda hadisə ilə bağlı araşdırma aparılır.
