USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İlham Əliyev Yaxın Şərq Sülh Sammitində iştirak edib
Xəbər verdiyimiz kimi, Azərbaycan Respublikasının Prezidenti İlham Əliyev Amerika Birləşmiş Ştatlarının Prezidenti Donald Trampın və Misir Ərəb Respublikasının Prezidenti Əbdülfəttah əs-Sisinin dəvəti ilə Yaxın Şərq Sülh Sammitində iştirak etmək üçün Misirdə işgüzar səfərdədir.
Dövlətimizin başçısı sammitin keçirildiyi Şarm əl-Şeyx şəhərindəki Beynəlxalq Konqres Mərkəzinə gəlib.
Misir Prezidenti Əbdülfəttah əs-Sisi Azərbaycan Prezidentini qarşılayaraq salamlayıb. Ardınca ABŞ Prezidenti Donald Tramp İlham Əliyevlə görüşüb və onları birgə foto çəkdiriblər.
Sammitdə iştirak edən dövlət və hökumət başçıları birgə xatirə fotosu çəkdiriblər.
Tədbirin sonunda Yaxın Şərqdə sülhün təmin olunması və Qəzzada atəşkəsin elan edilməsi ilə bağlı tarixi sazişin imzalanma mərasimi keçirilib.
