USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azad edilmiş ərazilərdə daha 130 mina aşkarlanıb
İşğaldan azad edilmiş ərazilərdə minatəmizləmə fəaliyyəti davam etdirilir.
Azərbaycan Respublikasının Minatəmizləmə Agentliyindən (ANAMA) verilən məlumata görə, 13–19 oktyabr 2025-ci il tarixlərini əhatə edən həftə ərzində Tərtər, Ağdam, Ağdərə, Laçın, Füzuli, Şuşa, Xocalı, Xankəndi, Kəlbəcər, Xocavənd, Cəbrayıl, Qubadlı və Zəngilan rayonlarında, həmçinin Qazax rayonunun işğaldan azad edilmiş Bağanıs Ayrım, Aşağı Əskipara, Xeyrımlı və Qızılhacılı kəndlərində əməliyyatlar həyata keçirilib.
Əməliyyatlar zamanı 61 piyada əleyhinə mina, 69 tank əleyhinə mina və 2000 partlamamış hərbi sursat (PHS) aşkarlanaraq zərərsizləşdirilib.
Ümumilikdə, qeyd olunan müddətdə 1587,8 hektar ərazi mina və partlamamış sursatlardan təmizlənib.
ANAMA bildirir ki, azad edilmiş torpaqlarda minaların təmizlənməsi prosesi planlı şəkildə və təhlükəsizlik tələblərinə uyğun olaraq davam etdirilir.
