Sentyabr ayı üzrə xarici ali təhsil müəssisələrindən diplom alan 751 nəfər Təhsildə Keyfiyyət Təminatı Agentliyinə (TKTA) müraciət edib. Onlardan 643 nəfərin diplomu tanınıb, 108 nəfərin müraciəti isə mənfi qərarla yekunlaşıb.

Agentlikdən verilən məlumata görə, mənfi qərarların əsas səbəbləri arasında tədris yükünün az olması, əhəmiyyətli kredit fərqləri və akkreditasiyasız ali məktəblər yer alır.

Belə ki:
• 58 halda – tədris yükünün ölkə normativindən az olması,
• 28 halda – kredit fərqinin əhəmiyyətli olması,
• 9 halda – həm tədris yükünün az, həm də kredit fərqinin mövcud olması,
• 5 halda – akkreditasiyasız ali təhsil müəssisəsində təhsil,
• 3 halda – təhsilalma formasının tələblərə uyğun olmaması,
• 2 halda – saxta (autentik olmayan) diplom təqdim edilməsi,
• 1 halda – həm akkreditasiyasız ali məktəbdə, həm də normativdən az tədris yükü,
• 1 halda – “əczaçılıq” ixtisasının qiyabi təhsil formasında alınması,
• 1 halda – “tibb bacısı (qardaşı) işi” ixtisasının qiyabi formada tədrisi səbəbindən tanınmama qərarı verilib.

Müraciətçilərin ölkələr üzrə bölgüsü belə olub:
• Türkiyə – 292 nəfər
• Rusiya – 176 nəfər
• Ukrayna – 123 nəfər
• Gürcüstan – 36 nəfər
• Belarus və Birləşmiş Krallıq – hər biri 23 nəfər
• ABŞ – 10 nəfər
• İtaliya, Latviya, Macarıstan – hər biri 6 nəfər
• Çexiya, Litva, Polşa – hər biri 5 nəfər
• Almaniya və Çin – hər biri 4 nəfər
• Belçika, Niderland, İsveçrə, Cənubi Koreya – hər biri 3 nəfər
• İspaniya, Fransa, Qambiya, Qazaxıstan – hər biri 2 nəfər
• Pakistan, Avstriya, Estoniya, Qırğızıstan, Kanada, Malayziya, Yaponiya, Səudiyyə Ərəbistanı – hər biri 1 nəfər

Ən çox müraciət edilən ixtisaslar isə bunlardır:
• Hüquqşünaslıq – 103 nəfər
• İqtisadiyyat – 47 nəfər
• Maliyyə – 46 nəfər
• Tibb və səhiyyə – 44 nəfər
• Biznesin idarə edilməsi – 40 nəfər

TKTA bildirir ki, diplomların tanınması prosesi beynəlxalq standartlara və Azərbaycan qanunvericiliyinə uyğun şəkildə həyata keçirilir.