USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Almaniya Gürcüstandakı səfirini geri çağırır
Almaniya hökuməti oktyabrın 19-da ölkənin Gürcüstandakı səfirini geri çağıracağını açıqlayıb.
Almaniya Xarici İşlər Nazirliyinin açıqlamasında bildirilir ki, Gürcüstan rəhbərliyi bir neçə aydır Avropa İttifaqına, Almaniyaya və şəxsən Almaniyanın səfiri Ernst Peter Fişerə qarşı təbliğat aparır. Səfirin geri çağırılmasının məqsədi “növbəti addımların necə atılacağı ilə bağlı məsləhətləşmələr aparmaq”dır.
Nazirlik həmçinin qeyd edib ki, Avropa İttifaqının Xarici İşlər Şurası oktyabrın 19-da keçiriləcək iclasında Gürcüstan məsələsini də müzakirə edəcək.
Gürcüstan Xarici İşlər Nazirliyi isə ötən ay Fişeri çağıraraq onun bələdiyyə seçkiləri ərəfəsində ölkədə “radikal gündəm” təşviq etmək cəhdlərinin olduğunu iddia edib. Gürcüstan rəsmiləri aylardır Fişeri və digər Aİ səfirlərini hökuməti devirmək cəhdlərini dəstəkləməkdə ittiham edirlər.
Qeyd edilir ki, Gürcüstan hakimiyyəti keçən ilin oktyabrında keçirilən mübahisəli parlament seçkilərindən sonra və hökumətin Aİ-yə üzvlük danışıqlarını dayandırmaq qərarından sonra küçə etirazları təşkil edən Aİ-yönümlü müxaliflərə qarşı təzyiqləri artırıb.
