USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İctimai fəal, Milli Fədailər Hərəkatının sədri Fuad Muradov 6.6 il müddətinə həbs olundu
Sosial şəbəkələrdə hökuməti tənqid edən ictimai-siyasi fəalların, jurnalistlərin ünvanına təhdid və təhqirləri ilə vaxtaşırı müzakirə mövzusuna çevrilən, Milli Fədailər Hərəkatının sədri Fuad Muradova hökm oxunub.
Gəncə Ağır Cinayətlər Məhkəməsinin hökmü ilə Fuad Muradov 6 il 6 ay azadlıqdan məhrum edilib.
O, Cinayət Məcəlləsinin 182.2.1 (qabaqcadan əlbir olan bir qrup şəxs tərəfindən hədə-qorxu ilə tələbetmə), 128.2.2 (təkrar törədildikdə), 182.2.4 (xeyli əmlak əldə etmək məqsədilə törədildikdə) maddələrilə ittiham olunurdu.
Bu işdə 7 nəfər zərərçəkmiş qismində tanınıb. Bu kişilərin hamısından şantajla pul alındığı iddia olunur.
F.Muradov 2023-cü ilin oktyabrında DİN-in Baş Mütəşəkkil Cinayətkarlıqla Mübarizə İdarəsi tərəfindən həbs edilmişdi.
İddia edilir ki, Fuad Muradov müxtəlif kişilərin qadınla intim görüntülərini gizli şəkildə çəkib, sonradan həmin görüntüləri ailələrinə göstərməklə hədələyib, o adamlardan pul alıb.
