İndicə vəkil Nemət Kərimli Tofiq Yaqubluyla görüşüb.

Vəkil qeyd etdi ki, Tofiq Yaqublu xeyli arıqlayıb. Çox halsız olduğunu, ayaq üstə duranda başının gicəlləndiyini bildirdi. Bundan əlavə Yaqublu aclıq edəndən sonra müəssisənin tibb məntəqəsinə köçürülməyib və hələ də digər məhbuslarla bir yerdə saxlanılır.
Bu qədər baş verənlərin fonunda Tofiq Yaqubludan üzünü qırxmağı tələb edirlər. Özü də heç bir gigiyenanın olmadığı bir şəraitdə. Bütün məhbuslara təcridxanada olan yalnız bir üzqırxan maşınla üzlərini qırxmağa icazə verirlər.

Bu hansı ağlın məhsuludur baş açmaq olmur. Gigiyenanın ən vacib olacağı yer həbsxanalar olduğu bir vaxtda bu qaydadır? Hansı dövrdə yaşayırsınız? Birdəfəlik istifadə deyilən bir şeylər var. Yəni bu qədərmi çətindir bunları təşkil etmək. Həm sovqat qəbul etmirsiniz, həm də özünüz insanı lazım olan zəruri əşyalarla təmin etmirsiniz.

Bəylər, bu qədər cılızlaşmayın.
Düşmənliyi də ləyaqətlə aparın!

Tofiq Yaqubluya yaşatdıqlarınıza görə əmin olun ki, bir gün mütləq qanun qarşısında cavab verəcəksiniz.