USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Meydanda da, zindanda da yan-yana!
Meydan TV əməkdaşları təcridxanada Aynur Elgünəşin doğum gününü qeyd etdilər.
Meydan TV-nin hazırda həbsdə olan əməkdaşları Aysel Umudova və Aytac Tapdıq baş redaktorları Aynur Elgünəşin doğum gününü Kürdəxanı Təcridxanasında duyğulu məktublarla qeyd ediblər. Onların sözlərində azadlıq həsrəti, dostluq, həmrəylik və peşə fədakarlığı dərin iz buraxır.
Aysel Umudova öz təbrikində qeyd edib:
“Seçdiyimiz peşədə dörd divar arasında ad günü şamı üfləmək qaçılmaz idi… Mən də sizə azad, uzun və Maksla birgə xoşbəxt həyat arzu edirəm. Ən vacibi, arzu edirəm ki, yatanda qapınız çöldən yox, içəridən bağlansın. Azadlıq Sizin haqqınızdır!”
Aytac Tapdıq isə Bakı İstintaq Təcridxanasının “sançast”ında – tibb məntəqəsində – qeyd edilən bu doğum gününü belə ifadə edib:
“Bu gün burada cəmi 29 nəfərlik bir ortamda Aynur Elgünəşin doğum gününü qeyd edirik. Səni susdurmaq üçün həbsə salsalar da, səsin ucalacaq və yaşayacaq… Müəllimim, həmkarım, dostum, ‘türmə’ yoldaşım, doğum günün mübarək!”
Aynur Elgünəş uzun illərdir Azərbaycanda müstəqil medianın simalarından biri kimi tanınır. Media azadlığı və jurnalist etikasına verdiyi töhfələrlə tanınan Elgünəş, hal-hazırda jurnalist fəaliyyətinə görə həbsdədir.
Həmkarlarının məktublarında səsləndirdikləri ümumi mesaj aydındır: doğum günləri məhbəsdə də qeyd edilə bilər, amma arzuların başında azadlıq gəlir.
