USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Dövlətə xəyanətdə ittiham olunan İqbal Əbilovun məhkəməsi keçirilib
Martın 7-də Kürdəxanı İstintaq Təcridxanasında talış tarixinin tədqiqatçısı İqbal Əbilovun cinayət işi üzrə onlayn məhkəmə iclası keçirilib.
Gənc alimin işi Lənkəran Ağır Cinayətlər Məhkəməsinin icraatında olduğundan, özü isə Bakıda saxlanıldığından hakimlər prosesə onlayn qatılırlar.
Hakim Xamməd Nuriyevin sədrliyi ilə keçirilən prosesdə vəkillər Fariz Namazlı və Rövşanə Rəhimli məhkəmənin açıq keçirilməsi ilə bağlı vəsatət təqdim ediblər.
Lakin müdafiə tərəfinin vəsatəti təmin edilməyib.
Məhkəmədə ittiham aktı elan edilib, daha sonra İqbal Əbilova ifadə vermək üçün söz verilib.
İqbal Əbilov ifadə verməyə hazır olmadığını bildirərək əlavə vaxt istəyib.
Onun istəyi nəzərə alınaraq növbəti məhkəmə prosesi aprelin 4-nə təyin olunun.
Belarusda yaşayan İqbal Əbilov 2024-cü il iyulun 22-də Azərbaycana qohumlarının yanına gəldiyi zaman saxlanılıb.
İqbal Əbilov Ermənistan xüsusi xidmət orqanları ilə əməkdaşlıqda, razılaşdırılmış şəkildə Azərbaycanda milli zəmində nifrət yaratmaq cəhdində ittiham olunur.
Yaxınlarının Toplum TV-yə verdiyi məlumatlara görə, İqbal Əbilov bu ittihamlarla razılaşmır, özünü təqsirli bilmir.
O, Latviyada qeydiyyatdan keçmiş Talış Milli Akademiyasının təsisçilərindən biridir.
