USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Emin Ağalarovun şirkəti “Rusiya Ordusu” enerji içkiləri istehsal edəcək
Prezident İlham Əliyevin keçmiş kürəkəni, tanınmış iş adamı və müğənni Emin Ağalarovun da pay sahibi olduğu “Uni Pack” şirkəti “Армия России” (“Rusiya Ordusu”) brendi altında enerji içkilərinin istehsalına hazırlaşır. Şirkət bunun üçün artıq Rusiyanın Federal Akkreditasiya Xidmətindən uyğunluq sertifikatı əldə edib.
“Uni Pack” 2022-ci ildə yaradılıb. Bunun üçün Moskva vilayətinin Mojaysk şəhərində yerləşən “Спасо-Бородинские воды” (“Spaso-Borodino suları”) zavodu satın alınıb. Hazırda Emin Ağalarovun şəxsi brendi olan “Jara” qazlı içkiləri də həmin müəssisədə istehsal olunur.
Məlumata görə, Ağalarov zavodu əsasən “Jara” brendini inkişaf etdirmək məqsədilə alıb. O, şirkətin 25%-lik payına sahibdir. Digər 25%-lik paylar isə Azərbaycan vətəndaşları Xəyal Abbaszadə, Fuad Əliyev və Nail Ağayev arasında bölüşdürülüb.
“Uni Pack”ın kommersiya direktoru Aleksandr Çirkov bildirib ki, zavodda hazırda 100-dən çox müxtəlif brend istehsal olunur və məhsullar yalnız Rusiya bazarında deyil, həm də 23 ölkəyə ixrac edilir. Şirkətin gəlirləri təkcə 2024-cü ildə 3,3 dəfə artıb.
Hazırda “Армия России” enerji içkilərinin istehsalçısı “Megapak” şirkətidir. Məhsullar əsasən Moskvadakı hərbi mağazalarda (voyentorq) satılır. Qeyd olunur ki, “Армия России” brendinə dair ticarət nişanı Rusiya Müdafiə Nazirliyinin nəzarətindədir və onun istifadəsinə dair hüquqlar da məhz Nazirliyə məxsusdur.
