USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Apellyasiya Məhkəməsi “Abzas”çıların şikayətini təmin etmədi
Sentyabrın 9-da Bakı Apellyasiya Məhkəməsində “Abzas Media işi” üzrə məhkəmə prosesi keçirilib.
APA-nın məlumatına görə, hakim Zəfər Əhmədovun sədrliyi ilə baş tutan prosesdə qərar elan olunub. Qərara əsasən, “Abzas”çıların əvvəlki instansiya məhkəməsinin hökmündən verdikləri apellyasiya şikayəti təmin edilməyib və hökm qüvvədə saxlanılıb.
Xatırladaq ki, iyunun 20-də Bakı Ağır Cinayətlər Məhkəməsində “Abzas Media işi” üzrə hökm oxunmuşdu. Məhkəmənin qərarı ilə:
• Ülvi Həsənli – “Abzas Media”nın direktoru,
• Sevinc Vaqifqızı – baş redaktor,
• Hafiz Babalı – araşdırmaçı jurnalist,
• Fərid Mehralızadə – “Azadlıq Radiosu”nun jurnalisti, iqtisadçı
9 il azadlıqdan məhrum ediliblər.
Bundan əlavə, jurnalistlər Nərgiz Absalamova və Elnarə Qasımova 8 il, “Abzas Media”nın koordinatoru Məhəmməd Kekalov isə 7 il 6 ay müddətinə azadlıqdan məhrum edilib.
Onlar qaçaqmalçılıq da daxil olmaqla bir neçə maddə ilə ittiham olunublar. Lakin jurnalistlər və müdafiə tərəfi ittihamların əsassız olduğunu, istintaqın isə ortaya tutarlı sübutlar qoymadığını bildiriblər.
