Sentyabrın 5-də Bakı Apellyasiya Məhkəməsində “Abzas Media” işi üzrə növbəti proses keçirilib. Məhkəmədə jurnalistlər və onların vəkilləri çıxış edərək, irəli sürülən ittihamların sübuta yetirilmədiyini vurğulayıblar.

Jurnalist Nərgiz Absalamova çıxışında ədalətli məhkəmə qərarlarına ehtiyac olduğunu qeyd edib:
“Arzu edirəm ki, nə vaxtsa ədalətlə qərar verən, hüququ həqiqətən ali hesab edən və özünə hörmət edən hakimlər məhkəmələri idarə edər.”

“Abzas Media”nın baş redaktoru Sevinc Vaqifqızı isə çıxışında cəmiyyətdəki ədalət boşluğuna diqqət çəkərək sual edib:
“İllərini dəmir barmaqlıqlar arxasında keçirməli olan bizi kim başa düşəcək?”

Prokuror ittihamların ədalətli araşdırıldığını bildirib və birinci instansiya məhkəməsinin hökmünün qüvvədə saxlanılmasını tələb edib.

Məhkəmə qərarını sentyabrın 9-da elan edəcək.