USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Vüsal 300” həbs olunub, yeni ittiham irəli sürülüb
Bakıda “Vüsal 300” kimi tanınan iş adamı Vüsal Abbasov barəsində məhkəmə həbs qərarı çıxarıb.
Xətai Rayon Məhkəməsində hakim Vüqar Nağıyevin sədrliyi ilə keçirilən iclasda Abbasov haqqında 3 ay müddətinə həbs qətimkan tədbiri seçilib.
Yeni ittiham
İş adamına qarşı əvvəllər Cinayət Məcəlləsinin 308-ci maddəsi (vəzifə səlahiyyətlərindən sui-istifadə) ilə ittiham irəli sürülmüşdü. Sonradan isə ona əlavə olaraq 192.3.2-ci maddə (qanunsuz sahibkarlıq, külli miqdarda gəlir əldə etməklə) üzrə yeni ittiham elan olunub.
İstintaq materialları
Xətai Rayon Prokurorluğunun məlumatına görə, Abbasov bir neçə nəfərlə əlbir olaraq qanunsuz lizinq fəaliyyəti ilə məşğul olub. İttihamlara əsasən, o, vətəndaşlara məxsus avtomobilləri və digər əmlakları girov saxlamaqla, qanunvericilikdə nəzərdə tutulmayan yüksək faiz dərəcələri ilə lizinqə verib.
Sosial şəbəkələrdə yayılan görüntülərdə “Vüsal 300”ə məxsus ofislər və avtomobil qarajının üzərinə məhkəmə tərəfindən həbs qoyulduğu, ərazilərin isə Xətai Rayon Prokurorluğu tərəfindən möhürləndiyi görünür.
Kimdir “Vüsal 300”?
Vüsal Abbasov Bakıda ən bahalı avtomobillərin icarədarı kimi tanınır. Onun vasitəsilə bir çox tanınmış müğənnilərin də bahalı avtomobillərdən istifadə etdiyi bildirilir.
