Azərbaycan Xalq Cəbhəsi Partiyasının (AXCP) Suraxanı şöbəsinin üzvü Amil Məmmədzadə sentyabrın 14-də Türk Şəhidliyini ziyarət etdikdən sonra çalışdığı mebel sexindən işdən çıxarıldığını deyir.

Bu barədə Amil Məmmədzadə məlumat verib. Partiya üzvləri hesab edirlər ki, insanların siyasi baxışlarına və fəaliyyətlərinə görə iş yerlərində təzyiqə məruz qalması qəbuledilməzdir.

Məlumata görə, həmin gün ziyarət zamanı AXCP sədri Əli Kərimli və Milli Şura üzvü Cəmil Həsənli çıxış etmək istəsələr də, polis onların qarşısını alıb. Onlara 20 Yanvar şəhidlərini ziyarət etməyə də imkan verilməyib.

Hadisə ilə bağlı Daxili İşlər Nazirliyi hər hansı açıqlama verməyib.

AXCP nümayəndələri bildiriblər ki, bu hal Azərbaycanda vətəndaşların əmək hüquqlarının da siyasi səbəblərlə pozulduğunu göstərir.