USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Elnarə Qasımova: “İstintaq Təcridxanasında dustaqlar istismar olunur”
“AbzasMedia işi” üzrə həbsdə olan jurnalist Elnarə Qasımova saxlandığı Bakı İstintaq Təcridxanasından yazır ki, burada məhkum işçilər ağır və istismaredici şəraitdə çalışdırılır.
Təcridxana həyətində və dəhlizlərdə tez-tez sarı jiletli kişi məhbusları – “xoz” adlanan təsərrüfat işçiləri görülür. BİT-də 200-ə yaxın məhkum işçi müxtəlif sahələrdə – santexnika, elektrik, dərzi, televiziya təmiri və digər işlərdə çalışır. Hər korpusun mərtəbələrinə də məhkum işçilər ayrılıb.
Qadın korpusunda isə yalnız bir məhkum işçi qeydiyyatdadır və 150-yə yaxın qadına baxır. O, hər gün təxminən 12 saat fasiləsiz işləyir ki, bu da səhhətinə mənfi təsir göstərir. İş saatları bitdikdən sonra da onun digər vəzifələri davam edir – çimmək, yatmaq üçün səs-küylü mühitdə özünü rahatlaşdırmaq kimi.
Qeydiyyata alınmadan işlədilən xeyli məhkum var. Qeydiyyatda olanlar isə bütün iş növlərindən və saatlarından asılı olmayaraq eyni məbləğdə – minimum əmək haqqı olan 400 manat – alır, vergi və sığorta ödənişlərindən sonra isə 350 manat əllərinə çatır.
Qasımova qeyd edir ki, məhkumlar bu maaşı ailələrinə pul göndərmək və azad hərəkət etmək üçün alırlar, lakin təcridxana rəhbərliyi onların əmək ehtiyaclarını istismar edir.
