USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Xankəndidə saxlanılan Karen Avanesyana 16 il həbs cəzası verildi
Bu il sentyabrın 14-də Xankəndi şəhərində saxlanılan Karen Avanesyanla bağlı cinayət işi üzrə məhkəmə prosesi başa çatıb.
Gəncə Ağır Cinayətlər Məhkəməsində hakim İlkin İbişovun sədrliyi ilə keçirilən iclasda təqsirləndirilən şəxsə son söz verilib. Onun ittihamlara münasibəti açıqlanmayıb.
Müşavirədən sonra məhkəmə hökmü elan edib. Hökmə əsasən, Karen Avanesyan 16 il müddətinə azadlıqdan məhrum edilib. Dövlət ittihamçısı məhkəmədə onun 18 il həbs cəzasına məhkum edilməsini istəmişdi.
Karen Avanesyan Azərbaycan Respublikası Cinayət Məcəlləsinin bir neçə ağır maddəsi ilə – terrorçuluqla əlaqədar qəsdən adam öldürməyə cəhd, terrorçuluq törədərkən odlu silahdan istifadə, qanunsuz olaraq silah-sursat saxlama və daşıma, həmçinin hakimiyyət nümayəndəsinə qarşı müqavimət göstərmə ittihamları ilə təqsirli bilinib.
Daxili İşlər Nazirliyinin yaydığı məlumata görə, Avanesyan yaşadığı ərazidən şəhər yaxınlığındakı meşə massivinə gedərək əvvəlcədən gizlətdiyi “Kalaşnikov” avtomatını, patronla dolu dörd sandıqcanı və beş qumbaranı götürüb Xankəndidə keçirilən tədbirin keçirildiyi yerə yaxınlaşmaq istəyərkən saxlanılıb.
