USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Apellyasiya Məhkəməsi Fazil Qasımov barəsində hökmü qüvvədə saxladı
Sentyabrın 29-da Bakı Apellyasiya Məhkəməsində hakim Aqil Musayevin sədrliyi ilə iqtisadçı Fazil Qasımovun işi üzrə baxış iclası keçirilib.
Ailəsinin “Toplum TV”-yə verdiyi məlumata görə, Qasımov prosesdə 12 vəsatət qaldırıb, lakin onların heç biri təmin edilməyib. İqtisadçı məhkəmənin ədalətsiz davrandığını bildirərək, buna etiraz əlaməti olaraq ölüm aclığına başlayacağını bəyan edib.
Məhkəmə F.Qasımovun apellyasiya şikayətini təmin etməyərək, Bakı Ağır Cinayətlər Məhkəməsinin çıxardığı hökmü dəyişdirilmədən qüvvədə saxlayıb.
Xatırladaq ki, iqtisadçı Qubad İbadoğlu ilə eyni cinayət işi üzrə 2023-cü ildə Türkiyədə saxlanılaraq Azərbaycana gətirilən Fazil Qasımov bu ilin martında 9 il azadlıqdan məhrum edilib. O, Cinayət Məcəlləsinin saxta pul və valyuta ilə bağlı maddələri ilə ittiham olunur. Qasımov isə ittihamları rədd edir.
