Bir-iki gün bundan öncə İctimai Xəbər Agentliyinin redaksiyasına Abşeron rayonu, Masazır qəsəbəsindəki Hüseyin Cavid və Məmməd Araz küçələrində yaşayan bir qrup sakinlər tərəfindən müraciət daxil olub. Sakinlər ünvanladıqları müraciətlərində, məhz onların haqq səslərini yuxarı instansiyalara çatdırmağımızı dönə-dönə xahiş edirlər. Biz də KİV nümayəndəsi olaraq peşə borcumuzu yerinə yetirib qeyd olunan ünvana üz tutduq. Elə ki, Hüseyin Cavid və Məmməd Araz küçələrində olduq və sakinlərlə üzbəüz söhbətə başladıq, o halda onlar “Biz uzun illərdir çoxsaylı problemlərlə üz-üzə qalmışıq, kimə, hansı vəzifə sahibinə yazılı, yaxud da şifahi surətdə müraciət edirik, son anda heç bir nəticəsi olmur. Ona görə də, özümüzü bir növ gücsüz hesab edirik. görürük. Bu gün belə bir ümidsizlikdən xilas olmaq üçün, istərdik ki, bizim yaşadığımız küçələrin problemlərini ətraflı ictimailəşdirəsiniz, haqq səsimizi prezident İlham Əliyevə və Birinci vitse-prezident Mehriban xanım Əliyevaya çatdırasınız. Bəlkə o halda yerli vəzifə sahibləri “hərəkət etdilər” və biz illər uzunu üz-üzə qaldığımız dərd-sərlərdən qurtula bildik”.

İctimai Xəbər Agentliyi MMC-nin rəhbəri Rasafil Bayramov,

İxaTV.az xəbər portalın baş direktoru Yaşar Kərimov.