Bu gün Bakı şəhəri 165 nömrəli tam orta məktəbində baş vermiş neqativ hallar həqiqətən narahat vericidir. Məktəbin direktorunun fənn müəllimlərinə verdiyi töhmət və direktor müavinlərinə verdiyi tənbehlər əslində olmamalı idi. Bu hala görə məhz məktəb direktoru işdən azad olunmalı idi.

Tərbiyəsizlik edən şagirdlər və valideynlərin hüquq mühafizə orqanlarında üzrxahlıq ərizələri yazmaları ayrı mövzudur.

Bu gün müəllimlərin müdafiəsinə bir çox məmurlar, deputatlar və Təhsil Nazirliyi öz səsini qaldırıb. Hansı ki müəllimlərimizi dilənçi və alverçi halına salan məhz həmin qrumlardır.

Vaxtında dövlət qarşısında müəllimlərin maaddi rifah halının yüksək tutulması və onların maaşlarının ən yüksək həddə çatması istiqamətdə tələblər irəli sürsəydilər indi təhsilimiz bu rəzil və xəstə hala düşməzdi.

Bu gün orta məktəblərdə işləyən müəllimlərin 85%- qadınlardır. Təbii ki, bu az maaşla kişi müəllimlər məktəbdə işləməklə ailəsini dolandıra bilməz.

Ümüd edək ki, bundan sonra bəlkə aidiyyatı qurumlar hökümət qarşısında müəllimlərin maaddi rifah halının yaxşılaşdırılması istiqamətində susmayacaq öz tələblərini irəli sürəcək.