USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bayram günlərində “Azərbaycan Dəmir Yolları” gücləndirilmiş iş rejimində çalışacaq
“Azərbaycan Dəmir Yolları” QSC-nin bütün strukturları qarşıdan gələn bayram günlərində gücləndirilmiş iş rejimində çalışacaq.
Bu barədə “Azərbaycan Dəmir Yolları” QSC xəbər verib. Məlumata görə, artan sərnişin tələbatı nəzərə alınaraq 8-12 noyabrda:
- Bakı-Ağstafa-Bakı istiqamətində axşam və səhər reysləri əlavə edilir; - Bakı-Qəbələ-Bakı istiqaməti üzrə qatarlar hər gün hərəkət edəcək;
- Abşeron dairəvi marşrutu qeyri-iş günlərinin qrafikinə uyğun fəaliyyət göstərəcək.
Həmçinin Ucar sakinləri də bayram günlərində Bakı-Ağstafa-Bakı marşrutundan istifadə etməklə təhlükəsiz mənzil başına çatacaqlar.
Qatarların hərəkət cədvəli ilə tanış olmaq və bilet əldə etmək üçün www.ady.az saytından və yaxud “ADY Mobile” tətbiqindən istifadə etmək olar.
