USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Lerikdə meşədə narkotik bitki yetişdirən şəxs saxlanılıb
Lerik rayonunda meşəlik ərazidə narkotik tərkibli çətənə bitkiləri yetişdirən şəxs saxlanılıb.
Bu barədə Daxili İşlər Nazirliyinin Mətbuat Xidmətinin Lənkəran regional qrupundan məlumat verilib. Bildirilib ki, keçirilən əməliyyat tədbirləri nəticəsində 55 yaşlı Hidayət Zaidov narkotik bitkilərin kultivasiyası ilə məşğul olduğu üçün saxlanılıb.
Onun yaşadığı evin həyətində və Lerikin Qılqılov kəndi yaxınlığındakı meşəlik ərazidə ümumilikdə 321 ədəd çətənə bitkisi aşkarlanıb. Bundan əlavə, qanunsuz saxlanılan 1 ədəd “İJ” markalı ov tüfəngi də götürülüb.
Faktla bağlı cinayət işi başlanılıb, Hidayət Zaidov barəsində məhkəmənin qərarı ilə həbs qətimkan tədbiri seçilib. Araşdırmalar davam etdirilir.
