USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Novxanıda iki məktəbli dənizdə bataraq həyatını itirib
Abşeron rayonunun Novxanı qəsəbəsində faciə baş verib. Dənizdə batmış iki yeniyetmənin meyitləri tapılıb və ailələrinə təhvil verilib.
Hadisə iyulun 20-nə keçən gecə baş verib. Məlumata görə, 16 yaşlı məktəblilərdən birinin qardaşı hərbi xidmətə yola salındığı üçün dostlar bu münasibətlə dəniz kənarında kiçik toplantı təşkil ediblər. Gecə saat 04:00 radələrində iki yeniyetmə dənizə girib və bir daha geri qayıtmayıb.
Axtarış tədbirləri nəticəsində hər iki məktəblinin meyiti “Gilavar” restoranının yaxınlığında tapılıb.
Faktla bağlı hüquq-mühafizə orqanları tərəfindən araşdırma aparılır.
Hadisə ictimaiyyət arasında dərin təəssüf və narahatlıqla qarşılanıb. Sosial şəbəkələrdə gənclərin təhlükəsizlik qaydalarına riayət etməsinin vacibliyi ilə bağlı çağırışlar edilir.
