USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qanunsuz sərnişindaşıma edən sürücü həbs olundu
Baş Dövlət Yol Polisi İdarəsi (BDYPİ) qanunsuz sərnişindaşıma ilə məşğul olan və sərnişinlərin həyatını təhlükəyə atan sürücünü saxlayıb.
Məlumata görə, Əliyev Azər Bəhram oğlu idarəsindəki avtobusla YPX əməkdaşlarının nəzarətindən yayınmaq üçün torpaq yollardan istifadə edərək müxtəlif istiqamətlərdə hərəkət edib. Bu hərəkətlə o, daşıdığı sərnişinlərin həyatını təhlükə altına qoyub.
Yoxlama zamanı sürücünün nəqliyyat vasitəsini idarə etmək hüququ olmadığı müəyyən edilib. Qaydaları pozduğuna görə barəsində sənədləşmə aparılıb və materiallar baxılması üçün məhkəməyə göndərilib.
Məhkəmənin qərarı ilə A. Əliyev 25 gün inzibati həbs cəzası alıb.
BDYPİ bütün sürücülərə xəbərdarlıq edərək bildirir ki, qanunsuz sərnişindaşıma və sürücülük vəsiqəsi olmadan sükan arxasına keçmək qəza riskini dəfələrlə artırır və insan həyatını ciddi təhlükəyə məruz qoyur. Sürücülərdən qaydalara riayət etmək və yollarda təhlükəsizliyə məsuliyyətlə yanaşmaq tələb olunur.
