USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstanda azərbaycanlı tələbəyə etiraz aksiyasına görə 5 min lari cərimə
Gürcüstanda təhsil alan azərbaycanlı tələbə Cavid Əhmədov hökumət əleyhinə etiraz aksiyasında çəkiliş apardığına görə polis tərəfindən 5 min lari (təxminən 3,150 manat) məbləğində cərimələnib.
Əhmədov açıqlamasında bildirib ki, avqustun 24-də Türkiyəyə keçmək üçün Sarp sərhəd-keçid məntəqəsinə gələndə onun adına cərimə yazıldığını öyrənib:
“Pasportu aparıb məni 15 dəqiqə gözlətdilər. Sonra dedilər ki, etiraz aksiyasında iştiraka görə cərimələnmisən”, – deyə tələbə bildirib.
C.Əhmədovun sözlərinə görə, o, iyulun 10-da Tbilisidə keçirilən etiraz aksiyasında jurnalistika üzrə təhsil aldığı proqram çərçivəsində ev tapşırığı kimi çəkiliş aparıb. O, aksiyada iştirakçı deyil, müşahidəçi və çəkiliş edən şəxs olduğunu qeyd edib.
Tələbənin sözlərinə görə, Gürcüstan qanunvericiliyinə əsasən, ölkədən çıxarkən cəriməni ödəmək məcburiyyəti yoxdur. Lakin yenidən ölkəyə giriş zamanı ödənişin tələb olunacağı bildirilib.
Hazırda Cavid Əhmədov gürcüstanlı vəkillə əlaqədədir və cərimənin ləğv edilməsi üçün dövlət qurumlarına müraciət edib.
