USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Şəkidə quldurluq hadisəsi – iki nəfər həbs olundu
Şəki rayonunun Kiçik Dəhnə kəndində quldurluq hadisəsi qeydə alınıb. Gecə saatlarında maskalı şəxslər kənd sakininin evinə daxil olaraq onun əl-qolunu bağlayıb, kəsici alətlə hədə-qorxu gələrək pulunu ələ keçiriblər.
Daxili İşlər Nazirliyinin mətbuat xidmətinin Şəki regional qrupundan verilən məlumata görə, Şəki Şəhər Rayon Polis Şöbəsinin əməkdaşları tərəfindən həyata keçirilən əməliyyat tədbirləri nəticəsində cinayəti törətməkdə şübhəli bilinən 40 yaşlı Anar Sadıqov və 47 yaşlı Tural Əsədov saxlanılıblar.
Faktla bağlı cinayət işi açılıb. Məhkəmənin qərarı ilə hər iki şəxs barəsində həbs qətimkan tədbiri seçilib. Hazırda araşdırmalar davam etdirilir.
