USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Masallıda narkotiki evakuatorla daşımaq istədilər
Masallı rayonunda polis əməkdaşlarının keçirdiyi əməliyyat nəticəsində ölkəyə qaçaqmal yolu ilə gətirilmiş külli miqdarda narkotik vasitəni Bakı şəhərinə çatdıraraq satışını təşkil etmək istəyən şəxslər saxlanılıb.
DİN-in Mətbuat Xidmətinin Lənkəran regional qrupundan verilən məlumata görə, araşdırmalarla müəyyən edilib ki, 29 yaşlı Qadir Xandadaşlı və 27 yaşlı Elsun Əzizli narkotikləri diqqət çəkməmək və ifşa olunmamaq üçün fərqli üsulla daşımağa cəhd ediblər.
Onlar Q.Xandadaşlıya məxsus avtomobilin yük yerində 16 kiloqram marixuana gizlədərək, guya qəfil nasazlıq baş verdiyi görüntüsünü yaradaraq evakuator xidmətinə müraciət ediblər. Lakin bu cəhd Masallı Rayon Polis Şöbəsinin əməkdaşları tərəfindən ifşa olunub və hər iki şəxs saxlanılıb.
Faktla bağlı cinayət işi başlanıb, Q.Xandadaşlı və E.Əzizli barəsində məhkəmənin qərarı ilə həbs qətimkan tədbiri seçilib.
