USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Metropark”ın qarşısında avtomobil qadın piyadanı vurub
Bakının Nərimanov rayonu, Təbriz küçəsində yol-nəqliyyat hadisəsi baş verib.
Hadisə “Metropark” Ticarət Mərkəzinin qarşısında qeydə alınıb. “Honda” markalı avtomobil yolu keçən qadın piyadanı vurub.
Hadisə yerinə təcili tibbi yardım briqadası çağırılıb.
Tibbi Ərazi Bölmələrini İdarəetmə Birliyindən (TƏBİB) verilən məlumata görə, oktyabrın 14-ü, saat 12:00 radələrində Respublika Təcili və Təxirəsalınmaz Tibbi Yardım Mərkəzinə Nərimanov rayonu ərazisində baş verən qəza ilə bağlı çağırış daxil olub.
“Dərhal təcili tibbi yardım briqadası hadisə yerinə cəlb olunub. 29 yaşlı qadına ilkin tibbi yardım göstərilib və müştərək travma diaqnozu ilə **Kliniki Tibbi Mərkəzə hospitalizasiya olunub,” – məlumatda qeyd olunur.
Qəzanın səbəbləri araşdırılır.
