USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tovuzda qatar kişini vuraraq öldürüb
Bu gün saat 19:30 radələrində Qovlar–Tovuz sahəsində hərəkətdə olan qatarın qarşısına qəfil insan çıxıb.
Bu barədə “Report”un sorğusuna cavab olaraq “Azərbaycan Dəmir Yolları” (ADY) QSC məlumat verib.
Bildirilib ki, maşinist tərəfindən təcili tormozlama aparılsa da, məsafə az olduğundan hadisənin qarşısını almaq mümkün olmayıb. Dəmir yolunu qadağan olunmuş yerdən keçməyə cəhd edən şəxs hadisə yerində dünyasını dəyişib.
ADY bir daha vətəndaşlara dəmir yolu xətlərini yalnız müəyyən olunmuş keçidlərdən istifadə etməyi və təhlükəsizlik qaydalarına ciddi riayət etməyi tövsiyə edib. Qurumun açıqlamasında qeyd olunub ki, qaydaların pozulması inzibati məsuliyyət yaradır.
