USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sinqapura uçan təyyarə Bakıya məcburi eniş edib
Bu gün “Singapore Airlines” aviaşirkətinə məxsus, Mançester–Sinqapur marşrutu üzrə hərəkət edən “Airbus A350” tipli təyyarə Heydər Əliyev Beynəlxalq Aeroportuna məcburi eniş edib.
Aeroportun yaydığı məlumata görə, sərnişinlərdən birinin səhhətində qəfil yaranan problem səbəbindən təyyarənin kapitanı eniş üçün müraciət edib.
Təyyarə yerli vaxtla saat 19:45-də Bakıda uğurla eniş edib. Sərnişinə hava limanının tibbi xidməti tərəfindən ilkin yardım göstərilib, daha sonra o, əlavə müalicə üçün tibb müəssisəsinə göndərilib.
Bildirilib ki, hadisə zamanı hava limanının bütün aidiyyəti xidmətləri operativ fəaliyyət göstərib. Heydər Əliyev Beynəlxalq Aeroportu regionun ən müasir və təhlükəsiz hava nəqliyyatı mərkəzlərindən biri kimi sərnişinlərin təhlükəsizliyini prioritet istiqamət kimi qoruyur.
