USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Narkotikin təsiri altında avtomobil idarə edən sürücü həbs edilib
Narkotik vasitənin təsiri altında avtomobil idarə edən sürücü həbs edilib. Bu barədə məlumatı Daxili İşlər Nazirliyi yayıb.
Bildirilib ki, Bakı Şəhər Baş Dövlət Yol Polisi İdarəsinin əməkdaşları tərəfindən yol hərəkəti qaydasını pozduğu üçün “BMW” markalı, 90-BY-008 dövlət qeydiyyat nişanlı avtomobilin sürücüsü İlkin Qarayev saxlanılıb.
Sənədlərin yoxlanılması zamanı sürücünün davranışları şübhə doğurduğundan onun tibbi müayinədən keçirilməsi təmin olunub. Müayinə nəticəsində İ. Qarayevin narkotik vasitə qəbul etdiyi müəyyən edilib.
Faktla bağlı İlkin Qarayev barəsində İnzibati Xətalar Məcəlləsinin müvafiq maddələrinə əsasən inzibati protokol tərtib olunaraq baxılması üçün məhkəməyə göndərilib.
Məhkəmənin qərarı ilə sürücünün 1 il müddətinə sürücülük hüququ məhdudlaşdırılıb, o, həmçinin 25 sutka inzibati qaydada həbs edilib.
