USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Göyçayda evdən 7 min manatlıq oğurluq edən şəxs saxlanıldı
Göyçay rayonunda mənzillərdən birində oğurluq hadisəsi baş verib. Naməlum şəxs evə daxil olaraq 7 min manatdan artıq pul vəsaitini ələ keçirib.
DİN-in Mətbuat Xidmətinin Şəki regional qrupunun məlumatına görə, Rayon Polis Şöbəsinin əməkdaşları tərəfindən həyata keçirilən əməliyyat tədbirləri nəticəsində hadisəni törətməkdə şübhəli bilinən, əvvəllər məhkum olunmuş 29 yaşlı Elşən Fərzəliyev saxlanılıb.
Aparılan araşdırmalar zamanı müəyyən edilib ki, E.Fərzəliyev rayon ərazisində yerləşən daha iki evdən də oğurluq edib.
Faktla bağlı cinayət işi açılıb və məhkəmənin qərarı ilə şübhəli şəxs barəsində həbs qətimkan tədbiri seçilib.
