USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda 13 kiloqram narkotik daşıyan kuryer saxlanılıb
Bakının Nəsimi rayonunda keçirilən əməliyyat zamanı narkokuryerlikdə şübhəli bilinən 38 yaşlı Elvin Əliyev saxlanılıb. Bu barədə Daxili İşlər Nazirliyi məlumat yayıb.
Nazirliyin məlumatına görə, E. Əliyevdən ümumi çəkisi 13 kiloqram 700 qram olan marixuana aşkarlanaraq götürülüb.
Saxlanılan şəxs ifadəsində narkotik vasitələri sosial şəbəkədə tanış olduğu, şəxsiyyəti istintaq araşdırılan İran vətəndaşından aldığını bildirib. O, əldə etdiyi narkotiki hissələrə ayıraraq paytaxtın müxtəlif ünvanlarına çatdırmağı planlaşdırdığını etiraf edib.
Faktla bağlı cinayət işi başlanıb. Məhkəmənin qərarı ilə Elvin Əliyev barəsində həbs qətimkan tədbiri seçilib.
İstintaq tədbirləri davam etdirilir.
