USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ağdərədə minaya düşən şəxsin vəziyyəti ağırdır
Ağdərədə baş verən mina partlayışı nəticəsində xəsarət alan şəxsin son durumu açıqlanıb. “TƏBİB”in məlumatına görə, hadisə Şıxarx qəsəbəsi yaxınlığında qeydə alınıb.
1970-ci il təvəllüdlü Nazim Kamran oğlu Pənahəliyev minaya düşdükdən sonra əvvəlcə Tərtər Rayon Mərkəzi Xəstəxanasına çatdırılıb, daha sonra isə Bərdə Rayon Mərkəzi Xəstəxanasının Təcili tibbi yardım şöbəsinə təxliyə olunub.
Həkimlər xəstəyə partlayış travması və sağ baldırın aşağı üçdə bir hissəsinin travmatik amputasiyası diaqnozu qoyublar. Məlumata görə, pasiyent üzərində hazırda əməliyyat aparılır və vəziyyəti ağır olaraq qalır.
Hadisə 3 dekabr 2025-ci il tarixində Ağdərə rayonunun Şıxarx kəndi ərazisində baş verib. DİN, Baş Prokurorluq və ANAMA-nın birgə məlumatına görə, kənd sakini mal-qara otardığı zaman minalardan təmizlənməmiş əraziyə daxil olub və nəticədə piyada əleyhinə mina partlayıb.
Faktla bağlı Tərtər rayon prokurorluğunda araşdırma aparılır.
ANAMA, DİN və Baş Prokurorluq vətəndaşları bir daha mina təhlükəsi ilə bağlı xəbərdaredici işarələrə ciddi riayət etməyə, tanımadıqları və təmizlənməmiş ərazilərə daxil olmamağa çağırır.
