USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Məmməd İbrahimin həbs müddəti 4 ay uzadıldı
Dövlət Təhlükəsizliyi Xidməti (DTX) tərəfindən saxlanılan Azərbaycan Xalq Cəbhəsi Partiyasının (AXCP) Rəyasət Heyətinin üzvü Məmməd İbrahim barəsində həbs qətimkan tədbirinin müddəti uzadılıb.
Bu gün Səbail Rayon Məhkəməsində keçirilən prosesdə qərar elan olunub və Məmməd İbrahim barəsində həbs müddəti əlavə 4 ay artırılıb.
Qeyd edək ki, Məmməd İbrahimə Azərbaycan Respublikası Cinayət Məcəlləsinin 278.1-ci maddəsi (hakimiyyəti zorla ələ keçirməyə və ya zorla saxlamağa, dövlətin konstitusiya quruluşunu zorla dəyişdirməyə yönələn hərəkətlər) ilə ittiham irəli sürülüb.
Əlavə olaraq, Məmməd İbrahim və AXCP sədri Əli Kərimli DTX-də aparılan istintaq çərçivəsində dindirilmiş, evlərində axtarışlar aparılmışdır. Bu əməliyyatlar Prezident Administrasiyasının sabiq rəhbəri Ramiz Mehdiyev barəsində açılmış cinayət işi ilə əlaqələndirilir. Ramiz Mehdiyev Cinayət Məcəlləsinin 278.1, 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.
