USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rasim Balayev I Fəxri Xiyabanda dəfn edilib
Xalq artisti Rasim Balayev I Fəxri Xiyabanda dəfn edilib. Dəfn mərasimində sənətkarın ailə üzvləri, dostları, incəsənət xadimləri və media nümayəndələri iştirak ediblər.
Xalq artisti ilə vida mərasimi Azərbaycan Dövlət Akademik Milli Dram Teatrında keçirilib. Mərasimdə Baş nazir Əli Əsədov, dövlət və hökumət rəsmiləri, Milli Məclisin deputatları, tanınmış elm və mədəniyyət xadimləri, həmçinin sənətkarın pərəstişkarları iştirak edərək onun xatirəsini yad ediblər.
Mərhumun cənazəsi teatrın matəm bəzədilmiş səhnəsində postament üzərinə qoyulub, ətrafına Azərbaycan Prezidenti İlham Əliyev, Birinci vitse-prezident Mehriban Əliyeva, dövlət və hökumət qurumları adından əklillər düzülüb. Vida mərasimi zamanı Rasim Balayevin xatirəsi bir dəqiqəlik sükutla yad edilib.
Çıxış edənlər sənətkarın Azərbaycan kino və teatr sənətinə verdiyi töhfələri vurğulayaraq, onun parlaq yaradıcılığının və insani keyfiyyətlərinin yaddaşlarda yaşayacağını bildiriblər. Ailə üzvləri adından çıxış edən oğlu Asim Balayev mərasimə qatılan hər kəsə təşəkkür edib.
Daha sonra Rasim Balayevin cənazəsi Azərbaycan Dövlət Akademik Milli Dram Teatrından I Fəxri Xiyabana gətirilərək torpağa tapşırılıb.
Qeyd edək ki, Xalq artisti Rasim Balayev İstanbulda müalicə aldığı “Memorial” klinikada vəfat edib.
