USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Kəmaləddin Heydərov sürüşmə təhlükəsi ilə əlaqədar Bibiheybət ərazisinə gedib
Fövqəladə hallar naziri, general-polkovnik Kəmaləddin Heydərov son günlər yağan intensiv yağışlar nəticəsində Bakı şəhəri, Səbail rayonu, Bibiheybət yolunun keçdiyi ərazidə yaranmış torpaq sürüşməsi təhlükəsi ilə əlaqədar əraziyə gedib.
Bu barədə Fövqəladə Hallar Nazirliyi məlumat yayıb.
Bildirilib ki, nazir ərazidə yaranmış vəziyyətlə yerində tanış olub. Əraziyə baxış zamanı Nazirlər Kabinetinin Tikinti, şəhərsalma və kommunal təsərrüfat şöbəsinin müdiri Feyruz Mustafayev, Azərbaycan Avtomobil Yolları Dövlət Agentliyi İdarə Heyətinin sədri Vüsal Nəsirli və digər aidiyyəti qurumların rəsmiləri və mütəxəssislərlə birgə müzakirələr aparılıb.
Görüş zamanı ərazidə yaranmış vəziyyət ətraflı qiymətləndirilib, görüləcək tədbirlər müzakirə olunub və aidiyyəti qurumlara müvafiq tapşırıqlar verilib.
Qeyd edilib ki, aprelin 5–6-da Bakı şəhəri və Abşeron yarımadasında yağıntının miqdarı aylıq normadan təxminən 4 dəfə artıq olub ki, bu da sürüşmə riskinin artmasına səbəb olub.
Mütəxəssislər ərazidə təhlükəsizlik tədbirlərinin gücləndirildiyini və vəziyyətin nəzarətdə saxlanıldığını bildirirlər.
