USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Fuad Muradov Meksikada diasporla görüş keçirib
Fuad Muradovun Meksikaya səfəri çərçivəsində bir sıra görüşlər və tədbirlər baş tutub.
Səfər zamanı nümayəndə heyəti Mexiko şəhərində yerləşən Tlakskoake-Xocalı meydanında “Xocalı Soyqırımı” abidəsini ziyarət edərək qurbanların xatirəsini anıb.
Daha sonra Diasporla İş üzrə Dövlət Komitəsinin sədri Meksikada yaşayan azərbaycanlılarla görüş keçirib. Tədbirdə Azərbaycanın səfiri Seymur Fətəliyev də iştirak edib. Görüş zamanı diaspor fəaliyyətinin gücləndirilməsi, Azərbaycan həqiqətlərinin beynəlxalq səviyyədə tanıdılması və icma üzvlərinin fəaliyyəti müzakirə olunub.
Fuad Muradov çıxışında bildirib ki, dünyanın müxtəlif ölkələrində yaşayan azərbaycanlılarla sistemli iş aparılır və onların fəaliyyəti ölkənin beynəlxalq imicinin formalaşmasına töhfə verir.
Tədbirdə həmçinin Azərbaycan ilə Xaricdə Yaşayan Meksikalılar İnstitutu arasında imzalanmış memorandumun diaspor sahəsində əməkdaşlığı genişləndirəcəyi vurğulanıb.
Görüşdə müxtəlif ölkələri təmsil edən diplomatlar və icma üzvləri iştirak edib, qarşılıqlı fikir mübadiləsi aparılıb.
