USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Dələduzluqda ittiham olunan Namizəd Səfərovun işi məhkəmə baxışına verildi
Dələduzluqda təqsirləndirilən keçmiş vəkil Namizəd Səfərovun cinayət işi üzrə məhkəmə prosesi başlayıb.
Bakı Ağır Cinayətlər Məhkəməsində hakim Mahirə Kərimovanın sədrliyi ilə keçirilən hazırlıq iclasında iş üzrə anket məlumatları dəqiqləşdirilib və ilkin prosessual məsələlər müzakirə olunub.
Müdafiə tərəfi məhkəməyə bir sıra vəsatətlər təqdim edərək cinayət işinə xitam verilməsini, həmçinin təqsirləndirilən şəxs barəsində seçilmiş həbs-qətimkan tədbirinin dəyişdirilərək ev dustaqlığı ilə əvəz edilməsini xahiş edib. Lakin məhkəmə bu vəsatətləri təmin etməyib.
Müşavirədən sonra elan edilən qərara əsasən, cinayət işi mahiyyəti üzrə baxılmaq üçün məhkəmə icraatına qəbul olunub.
Növbəti məhkəmə iclası iyunun 2-nə təyin edilib.
İttihamın mahiyyəti
İttihama görə, keçmiş vəkil Namizəd Səfərov vətəndaşın etibarından sui-istifadə edərək ümumilikdə 53 min manat məbləğində pul vəsaitini ələ keçirməkdə təqsirləndirilir. O, işdən azad edilən bir şəxsi yenidən vəzifəyə bərpa etdirəcəyi vədi verərək həmin məbləği aldığı, lakin vədinə əməl etmədiyi iddia olunur.
Daha sonra zərərçəkmiş şəxsin hüquq-mühafizə orqanlarına müraciət etdiyi bildirilir.
