USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda narkotik dövriyyəsində təqsirləndirilən Rusiya vətəndaşlarına hökm verildi
Bakıda narkotik vasitələrin qanunsuz dövriyyəsində təqsirləndirilən Rusiya vətəndaşlarından ibarət dəstə üzvləri barəsində məhkəmə prosesi yekunlaşıb.
Bakı Ağır Cinayətlər Məhkəməsində keçirilən iclasda Sergey Sofronov, Anton Draçev, Dmitri Bezuqli, Dmitri Fedorov, Boris Timoşov, Valeri Dulov, Aleksey Vasilçenko və İlya Bezuqli barəsində hökm elan olunub.
Məhkəmənin qərarı ilə Sergey Sofronov 4 il, Anton Draçev 4 il, Dmitri Bezuqli 4 il, Valeri Dulov 4 il, Dmitri Fedorov 3 il, Boris Timoşov 3 il, Aleksey Vasilçenko 3 il, İlya Bezuqli isə 3 il müddətinə azadlıqdan məhrum edilib.
İstintaq materiallarına əsasən, təqsirləndirilən şəxslər qabaqcadan əlbir olaraq mütəşəkkil dəstə yaradıb narkotik vasitələrin satış məqsədilə əldə edilməsi, saxlanılması və yayılmasında ittiham olunublar.
İttihama görə, dəstə üzvləri heroin, metadon və metamfetamin də daxil olmaqla külli miqdarda narkotik və psixotrop maddələrin qanunsuz dövriyyəsini təşkil ediblər.
Onların barəsində Cinayət Məcəlləsinin narkotik vasitələrin qanunsuz dövriyyəsi ilə bağlı müvafiq maddələri üzrə ittiham irəli sürülüb.
Təqsirləndirilən şəxslər ötən ilin iyul ayında keçirilən əməliyyat zamanı saxlanılıb və məhkəmənin qərarı ilə barələrində həbs qətimkan tədbiri seçilib.
